Þrumur og eldingar

Það var eins og mig grunaði að ég myndi ekkert blogga eftir að tímarnir byrjuðu. Titillinn vísar að sjálfsögðu til veðursins úti en hérna höfum við grenjandi rigningu, þrumur og eldingar. Best að koma á framfæri nokkrum upplýsingum. Heimilisfangið mitt er

618 Ploy Street, Baltimore MD 21201, USA.

og ég er kominn með gemsa sem hefur númerið 443-326-1297.

Annars er bara allt í góðum gír hérna -- ég er að skemmta mér gríðar vel í anatómíu-kúrsinum mínum, íbúðin er kúl og meðleigendurnir líka. Vorum með HÖRKU partý á föstudaginn -- tequila, margarítur, corona - semsagt svoldið mexíkósk stemning. Partýið hélt áfram fram eftir nóttu enda voru gestirnir svo almennilegir að fara út í búð annað slagið og kaupa meira tequila og bjór svo gleðin gæti haldið áfram.

Að sjálfsögðu fór laugardagurinn því í sjónvarpsgláp. Sá meðal annars hinar stórskemmtilegu SciFi myndir Octopus 1 og Octopus 2... það er nebblega ekki svo auðvelt að finna gott sjónvarpsefni hérna enda þarf maður að fletta milli 200+ stöðva sem innihalda margan sorann.. Sunnudagurinn fór svo í snilldarferð til Washington að hitt Guðrúnu frænku og fleiri íslendinga.

Þessi kúrs sem ég er að taka byrjaði síðan á mánudaginn. Hann heitir Introduction to Biomedical Sciences og er algjör brjálæðiskúrs enda eru dagarnir hjá mér svona: vakna kl. 6:15 og les til 8:15, tímar milli 9 og 5, borða, les milli 7 og 11, sofa.

Allright.. later..

Murderville: dagur 1.

Jæja, góðann daginn -- þá er maður bara kominn. Datt í hug að gerast hipp og kúl og fara að blogga. Ég veit ekki alveg hvernig þetta blogg verður; hvort það verður svona "keypti mér nýjar buxur áðan"-blogg, eða svona ég-blogga-bara-þegar-einhver-giftist-eða-deyr-blogg. Ætli það byrji ekki svona með fyrra dæminu og færist meira út í það seinna þegar ég byrja í tímum.

Allavega, mætti á svæðið í gær. Hans og Lotta (sem eru íslenskt par í Hopkins) sóttu mig og við fórum út að borða -- alltaf gaman að hitta þau. Þau keyrðu mig svo í íbúðina sem verður sem verður víst heimili manns allavega næsta árið. Þar voru Lauren og Keri en Arjun, sá fjórði í hópnum, kemur í næstu viku. Íbúðin er hrein snilld - eina vandamálið er að eitt svefnherðbergið er ekki beinlínis slíkt, þ.e. hefur bara 3 veggi og uppfyllir þar með varla skilyrðin. Við ætlum semsagt að leggjast í það á næstu dögum að smíða eins og eitt stykki vegg á herðbergið. Það verður væntanlega athyglisvert. Í dag fékk ég bílinn hennar Keri lánaðann og fór að rúnta um Baltimore og kíkti að versla. Keypti mér meðal annars



sem er náttúrulega algjör snilld. Í kvöld kíktum við aðeins á barinn, og þá meina ég aðeins því við drukkum nokkra bjóra en vorum komin heim klukkan hálf 11!! Það er víst landlægur ósiður hérna að fara svona snemma heim -- verð greinilega að rotta mig saman með íslendingunum annars lagið til að komast í almennilegt djamm. Ja, það er svosem mánudagur þannig að þetta gæti skánað þegar helgin nálgast.

Og já, virðist hafa misst hi-póstfangið mitt í dag. Veit ekki hvort það kemur því eitthvað við að ákveðin vinkona sendi í dag klúrari póst en siðvandur (og harðgiftur) háskólaprófessor kærir sig um á netfang Snæbjörns Pálssonar á hi.is... allavega það er horfið og núna nota ég bara snaebo hjá hotmail. Ég bið ykkur því um að senda þangað ef þið viljið ná í mig - og suma bið ég umfram aðra um að skrifa þetta vandlega hjá sér og treysta ekki á gloppótt minni.

Jæja, smá svona buxnablogg (keypti mér meiraðsegja buxur í dag ;))..... sjáum til hvernig þetta þróast..