New York Tiger

Síðasta vika jaðraði við brálæði með 3 skiladæmum, prófi og fyrirlestri. Eftir það skellti ég mér til New York um helgina. Erfitt að slá það út. Þar var verslað, farið á tónleika með Baldri og kíkt í leikhús á leikrit eftir Austin nokkurn Pendelton, en ég gisti einmitt heima hjá höfundinum sjálfum.

Á föstudaginn kemur Tiger. Epla-fjölskyldan mín hérna í Hopkins er búin að panta multipack.

Svo liggur fyrir að næstu helgi verður farið með 60 tölfræðingum til Pennsylvaníu í árlega helgarferð deildarinnar. Helvíti grand hjá deildinni að splæsa á allt liðið í hótel og mat og svoleiðis..

Bongó

Nú er fjör í gettóinu enda er búin að vera bongó blíða hérna í meira en viku. Fíla þetta loftslag alveg í botn eins og það er núna en fólk segir reyndar að það verði ekki líft hérna í sumar.

Nú er það komið á hreint að ég held heim í sumar og kíki á félaga mína í Dukód í tvo mánuði. Þá er bara að drífa sig í að kaupa flugmiða heim.... hmm... var að kíkja á icelandair.com og þeir bjóða 1450 dollara round trip. Bara á bónus-verði!!

Er hægt að sigla heim? Ég meina taka svona gamaldags farþegaskip, 1450 dollara flugfar er náttúrulega ekki hægt!!! Ef einhver veit af því, látið mig endilega vita.